Şəhid baş leytenant Adil İbrahimlinin 2 övladı Təhsil İşçiləri Azad Həmkarlar İttifaqı Respublika Komitəsi tərəfindən himayəyə götürülüb.
Xeberle.com xəbər verir ki, bu haqda trend.az məlumat yayıb.
Məlumata əsasən, Azərbaycan Həmkarlar İttifaqları Konfederasiyasının (AHİK) üzvü olan komitə tərəfindən şəhidin 2 azyaşlı övladı – Əbəlfəz və Aidə İbrahimlilərə, 18 yaşlarınadək hər birinə 150 manat pul vəsaiti ödəniləcək.
Bundan əlavə, şəhidin atası Asəm və qardaşı Anar AHİK sədri, Milli Məclisin deputatı Səttar Möhbalıyevlə görüşüblər. Şəhidmizin qardaşı Anar İbrahimov qardaşı kimi hər zaman Vətənin müdafiəsinə hazır olduğunu bildirib. AHİK-nin sədri Anarın Konfederasiyada işlə təmin olunması üçün əmr imzalayıb.
Noyabrın 7-də Şuşa döyüşləri zamanı şəhid olan və II Fəxri xiyabanda dəfn olunan Adil ölümündən sonra "Vətən Müharibəsi Qəhrəmanı” adına, Vətən uğrunda”, "Şuşanın, Kəlbəcərin və Xocavəndin azad olunmasına görə” medallarına layiq görülüb.
Xəbərdən istifadə edərkən istinad etmək vacibdir.
