Sumqayıtlı tarixçi-pedaqoqun yeni test kitabçası çapdan çıxıb
Sumqayıt şəhər "Avey” Tədris mərkəzinin Tarix müəlimi Vüsal Məmmədovun müəllifi olduğu test bankı nəşr olunub. Bu test jurnalı ötən il nəşr olunan Azərbaycan tarixi 6-7-8-ci sinifləri əhatə edən test bankının genişləndirilmiş variantıdır. Nəşrin elmi redaktorları Sumqayıt şəhər Təhsil Şöbəsi metodisti, Tarix müəllimi Səxavət Qənbərov və "Azəri" hazırlıq kurslarının Tarix müəllimi Şahin Vəliyevdir. Rəyçiləri isə Heydər Əliyev Adına Müasir Təhsil Kompleksi Tarix Kafedrasının baş müəllimi Şəhla Quliyeva, Bakı şəhəri Sabunçu rayonu 271 saylı orta məktəbin Tarix müəllimi Babək İsmayılov, Sumqayıt şəhər Dövlət Texniki Kollecinin İctimai emlər və Tarix müəllimi Ülvi Məmmədov və Beynəlxalq Təhsil Kompleksinin Tarix müəllimi Elşad Qasımovdur.
Yeni nəşrdə testlərin sayı mövzular üzrə artırılıb və bəzi əlavələr edilib. Bu test jurnalının abituriyentlərin ali məktəbə qəbul olmalarında böyük faydası ola bilər.
Qeyd edək ki, Vüsal Məmmədov Heydər Əliyev Adına Müasir Təhsil Kompleksində, Sumqayıt şəhər "İdrak” məktəb-liseyində tarix müəllimi işləyib.

xeberle.com