Sumqayıt Regional Mədəniyyət İdarəsinə tabe olan Sumqayıt şəhər S.Vurğun adına Mərkəzi Kitabxananın Uşaq Şöbəsinin və Anar Şükürov adına 25 nömrəli orta məktəbin birgə təşkilatçılığı ilə 20 Yanvar Hüzn Günü və 20 yanvar tarixində anadan olan II Vətən müharibəsi qəhrəmanı şəhid Anar Şükürovun 45 illiyi ilə əlaqədar "Şəhidlər evə qayıdırlar" adlı ədəbi-bədii gecə keçirilib.
Tədbir maraqlı proloqla başlayıb. Anar Şükürovun adı çəkilib "Anar Şükürov Vətən müharibəsində qəhrəmancasına şəhid oldu” deyilərək bildirilib.
Sonra şəhidin 11”V” sinfinə rəmzi məktubu oxunub.
Tədbirin 2-ci hissəsi akt zalında davam etdirilib. Şəhidin müəllim və sinif yoldaşları 20 Yanvardan başlayan azadlıq mücadiləsindən, Vətən uğrunda canını fəda edən şəhidlərimizdən, məktəbə adı verilən Anar Şükürov haqqında çıxış ediblər. Məktəbin şagirdlərinin ifasında şəhidin döyüş həyatından bəhs edən səhnəcik, vətənpərvərlik şeirləri və mahnıları təqdim olunub.
Sonda şəhidin anası xatirələrini bölüşərək, tədbirin gerçəkləşməsində əməyi olan hər kəsə minətdarlığını bildirib.
Xəbərdən istifadə edərkən istinad etmək vacibdir.
