Sumqayıtda şəhid Ramil Quliyevə həsr edilmiş kitabın təqdimatı olub.
Xeberle.com xəbər verir ki, öncə şagird-müəllim kollektivi Şəhidlər xiyabanını ziyarət ediblər, şəhidin məzarı üzərinə gül dəstələri düzüblər. Daha sonra 41 saylı məktəbdə "Gözlə Məni, Anam Mənim” adlı ədəbi bədii kompozisiya keçirilib.
Burada qəhrəman şəhidimizin ailəsi, İcra Hakimiyyəti nümayəndələri, Hicran Hüseynovanın köməkçisi, məktəb rəhbərliyi və müəllim kollektivi iştirak ediblər.
İgidimiz Ramil Quliyev Hadrut uğrunda gedən döyüşlərdə düşmənin snayper gülləsinə tuş gələrək qəhrəmancasına şəhid olub. 12 gün neytral zonada qalıb. Sonra Ülvi adlı əsgər yoldaşı onu 4 km çiynində daşıyaraq arxa cəbhəyə təhvil verib.
Ölümündən sonra o, "Vətən uğrunda” və "Xocavəndin azad olunmasına görə” medalları ilə təltif edilib.
Xəbərdən istifadə edərkən istinad etmək vacibdir.
