Həyatda hər bir insanın özünəməxsus yaşam tərzi, prinsipləri mövcuddur.

Xeberle.com sosial şəbəklərdə paylaşılan, müəllifləri dəqiq bilinməyən 2 maraqlı, həyat dərsini təqdim edir:

Bir gün yuxudan oyanacaqsan ki, 75 yaşın var:

Komfortunu üstün tutub sevdiyin işlə məşğul olmağa cəsarət etmədiyini,
- Həyatının sevgisini qüruruna qurban verdiyini,
- Yağış altında heç vaxt tanqo oynamadığını anlayacaqsan.
***
Başqalarının xoşuna gəlmək üçün heç vaxt özün olmadığını,
- Binanın başına çıxıb səsin gəldiyi qədər qışqırmadığını,
- Səni vaxtilə üzən böyük problemlərin əslində nə qədər kiçik olduğunu,
- Sevdiyin insanlara onları nə qədər çox sevdiyini yetərincə demədiyini başa düşəcəksən.
***
Paraşütün açılmayacağından qorxub hoppanmadığın dağ başını,
- Soyuq olduğu üçün çimmədiyin dənizləri,
- İsti olduğu üçün saatlarla çıxmadığın yatağı,
- Televizor qarşısında boş yerə keçirdiyin saatları,
- Yetərincə qucaqlamadığın dostları,
- Öyrənməyə vaxt tapmadığın pianinonu,
- Düşüncələrini həmişə çox ciddiyə aldığın qonşuları,
- Tənbəllik edib getmədiyin yığıncaqlarıxatırlayacaqsan.
***
Üzmədiyin okeanları,
- Səyahət etmədiyin ölkələri,
- Yazmadığın kitabı,
- Tanış olmadığın insanları,
- Dadına baxmadığın yeməkləri
- Yazmadığın ad günü kartlarını,
- Nə cür keçdiyini hiss etmədiyin günləri,
- Öyrənmədiyin rəqsləri düşünəcəksən…
***
Bu düşüncələr sənin ürəyini parçalayacaq.
Bunun baş verməsinə imkan vermə!

---------------------------------------------------------------------------------

90 yaşlı qadının həyatdan öyrəndikləri:

1. Həyat ədalətli deyil, amma yenə də gözəldir.
2. Həyat o qədər qısadır ki, kiməsə nifrət edərək vaxt itirmə.
3. Heç kim özünü ciddi hesab etməməlidir.
4. Kredit kartlarını hər ay vaxtı-vaxtında ödə.
5. Hər mübahisədə qalib gəlmək məcburiyyətində deyilsən, bəzən qəbul et getsin.
6. Kiminsə çiynində ağlamaq, tək ağlamaqdan daha yaxşıdır.
7. İlk maaşından başlayaraq pensiya dövrü üçün pul toplamağa başla.
8. Ortada şokolad varsa, dirəşmək lazım deyil.
9. Keçmişinlə barış ki, gələcəyini zəhərə döndərməsin.
10. Uşaqlarının səni ağlayarkən görməyində problem yoxdur.
11. Həyatını başqalarının həyatı ilə müqayisə etmə. Hansı şərtlər altında bura gəlib çıxdıqlarını bilmirsən.
12. Əgər münasibətin gizlin qalmasını istəyirsənsə, o münasibətin içində olmamalısan.
13. Xoşbəxt uşaqlıq yaşamaq heç vaxt gec deyil. Yenidən uşaqlığını yaşamaq tamamilə səndən asılı olan şeydi və heç kim qarışa bilməz.
14. Həyatda nəyə marağın varsa, arxasınca getməli və bu yolda "yox” sözünü bir cavab olaraq qəbul etməməlisən.
15. Ən gözəl paltarlarını geyin, cehizindəki yemək qablarından istifadə et, onları özəl günlərə saxlama. Özəl gün bu gündür.
16. Hansısa rəngdə paltar geyinmək üçün bir yaş dövrünün gəlməyini gözləmə.
17. Çox pis hadisələr baş verəndə belə düşün: "5 il sonra bu hadisənin heç bir əhəmiyyəti olmayacaq”
18. Hamını və hər ediləni bağışla.
19. Başqalarının sənin haqqında nə düşündüyündən sənə nə?
20. Hər şeyin dərmanı zaman deyilmi? Zamana burax.
21. Vəziyyət nə qədər yaxşı yaxud da pis olursa olsun, dəyişəcək.
22. Xəstə olanda işin sənə baxmayacaq, dostların baxacaq. Əlaqələri kəsmə, dostlarına vaxt ayır.
23. Möcüzələrə inan.
24. Unutma, səni öldürməyən şey, seni daha da güclü edir.
25. Övladının cəmi bir uşaqlıq dövrü var, dəyərini bil, unudulmaz elə.
26. Hər gün mütləq bayıra çıx, möcüzələr hər yerdədir.
27. Həyatı çox sorğu-sual etmə, hərəkətə keç və lazım olanı indi et.
28. Ən yaxşı şeylər hələ reallaşmayan şeylərdir, ümidini itirmə.
29. Nə etmək lazım olduğunu bilməyəndə dərindən nəfəs al, xeyri dəyəcək.
30. Gözəl bağlanmış qutuda olmasa da, həyat yenə də bir hədiyyədir.