Fevralın 6-da Türkiyənin Kahramanmaraş vilayətindəki zəlzələni öncədən proqnozlaşdıran "Zəlzələ kahin" Frank Hoogerbeetsdən yenə diqqət çəkən açıqlama gəlib.
Xeberle.com xarici KİV-ə istinadən xəbər verir ki, Hoogerbeets yaxın 48 saat ərzində Pakistanda böyük bir zəlzələ olacağını iddia edib. Bu, Pakistanda böyük çaxnaşmaya səbəb olub.
Atmosferdəki elektrik axınını dəniz səviyyəsində araşdıran SSGEOS da mümkün bir zəlzələnin baş verə biləcəyini ifadə edib. Qurum Pakistandakı nasazlıq xəttində elektrik sıxlığının çox yüksək olduğuna diqqət çəkib. Pakistan Meteorologiya İdarəsi iddialarla bağlı açıqlama verməyib.
Bundan əvvəl Pakistan Meteorologiya İdarəsi zəlzələ ilə bağlı proqnozların heç bir elmi əsası olmadığını bəyan etmiş və oxşar iddiaları təkzib etmişdi.
Xəbərdən istifadə edərkən istinad etmək vacibdir.
