Qazaxıstan hökuməti Xəzər dənizinin öyrənilməsi və qorunması üçün 1,1 milyard tenge (3 793 000 manat) ayırıb.
Xeberle.com məlumat verir ki, bu barədə müvafiq qərarı Baş nazir Oljas Bektenov imzalayıb.
"Maliyyələşdirmə institutun elmi potensialının artırılmasına töhfə verəcək. Vəsaitlərin dəniz monitorinqi üçün əsas avadanlıqların alınmasına və hidrobioloji və hidrokimyəvi laboratoriyaların təchiz edilməsinə sərf olunması planlaşdırılır ki, bu da ona dənizin Qazaxıstan sektorunda baş verən proseslər üzrə özünün elmi cəhətdən əsaslandırılmış bazasını yaratmağa imkan verəcək", - deyə məlumatda qeyd olunub.
Xəbərdən istifadə edərkən istinad etmək vacibdir.
