Sumqayıt şəhər 45-ci məhəllə 11/15b-nin sakinləri  yaşadıqları binanın zirzəmisindəki çirkab suların iyindən boğaza yığıldıqlarını qeyd edirlər. Şikayətçilərin sözlərinə görə, üfunət iyi onları bezdirib: "Blokdan evə qalxana kimi, qoxu bizi bərk narahat edir. Dəfələrlə aidiyyəti qurumlara müraciət etsək də, heç bir nəticə yoxdur. Mənzil Kommunal Təsərüffat idarəsi atır Kanalizasiya idarəsinin üstünə, sonuncu isə deyir ki, bizlik deyil. Başqa yerə müraciət edin. Axı niyə bu məmurlar problemi top kimi bir-birilərinə ötürürlər?!"
P.S. Görünür, yerli futbol komandasının bəzi məmurlarımızdan xəbəri yoxdur. Əgər, "Sumqayıt" klubu bilsəydi ki, bu cür ustalıqla "ötürmə etməyi bacaran" məmurlarımız var, onları kluba transfer edərdi. (xeberlent.az)