Azərbaycan
Respublikasının Qida Təhlükəsizliyi Agentliyi (AQTA) ölkə ərazisində
qanunvericiliyin tələbləri çərçivəsində qida təhlükəsizliyinin təmin edilməsi,
istehlakçı hüquqlarının müdafiəsi sahəsində tədbirləri davam etdirir.
Xeberle.com-averilən məlumata görə, agentlik əməkdaşları tərəfindən Sumqayıt şəhəri, 1-ci
mikrorayon, N. Nərimanov küçəsində fəaliyyət göstərən, fiziki şəxs Alxazov Şaban
Qiyas oğluna məxsus "Osmanlı” restoranında keçirilən planlı yoxlama zamanı qida
təhlükəsizliyi sahəsində normativ hüquqi aktların tələblərinin pozulduğu məlum
olub. Belə ki, müəssisənin qida təhlükəsizliyi baxımından dövlət qeydiyyatına
alınmadığı, işçi heyətin dövri tibbi müayinədən keçirilmədiyi, dezinfeksiya,
dezinseksiya, deratizasiya işlərinin aparılmadığı, ət emalı sahəsinin mövcud
olmadığı, məhsulların saxlanıldığı sahədə mal qonşuluğu prinsipinin pozulduğu və
digər nöqsanlar aşkar edilib. Həmçinin xammal kimi istifadə olunan ət məhsullarının,
çiy dönər yarımfabrikatlarının və digər xammalların müşayiətedici sənədləri
yoxlamaya təqdim olunmayıb. Müayinələrin aparılması üçün hazır qida məhsullarından
nümunələr götürülərək Azərbaycan Qida Təhlükəsizliyi İnstitutunun müvafiq
laboratoriyasına təqdim olunub. Aşkar edilmiş pozuntularla bağlı qanunvericiliyə
uyğun olaraq inzibati protokol tərtib edilib.
.
Xəbərdən istifadə edərkən istinad etmək vacibdir.
