Sumqayıt şəhərində fərdi yaşayış evlərinin məişət tullantılarının daşınması ödənişi ilə bağlı müraciət daxil olub. Vətəndaşlar cari ildən etibarən aylıq məbləğin 3 manatdan 4 manata qədər bahalaşmasının səbəbini soruşublar.
Məsələ ilə əlaqədar Xeberle.com Sumqayıt Təmizlik Departamenti ilə əlaqə saxlayıb. Qurumdan bildirilib ki, fərdi yaşayış sektorunda tullantıların daşınması kommersiya strukturudur və 1 kub metrinin ödənişi 11.20 AZN-dir: "Ay ərzində sakinlərdən 4 AZN ödəniş istənilirsə, bu göstərilən məbləğin yarısından da az pul deməkdir. Kommunal mənzillərdə (binalarda) yaşayanlar üçün isə hər adama məişət tullantılarının daşlnması haqqı 0.30 manat təyin olunub. Fərdi mənzillərdə məbləğ fərqlidir, ay ərzində sakinlərin 1 kub dan çox məişət tullantıları çıxır".
Xədicə Səxavətqızı
Xeberle.com
Xəbərdən istifadə edərkən istinad etmək vacibdir.
