Azərbaycan Qızıl Aypara Cəmiyyəti Sumqayıt şəhər bölməsinin təşkilatcılığı ilə Heydər Əliyev Mərkəzində gənclər təşkilatları arasında Qızıl Aypara Cəmiyyətinin 102 illiyinə həsr olunmuş intellektual bilik yarışı keçirilib.
Xeberle.com-a verilən məlumata görə, tədbiri giriş sözü ilə bölmə sədri Mətanət Məhərrəmova açaraq bu il 102 illiyini qeyd edən Qızıl Aypara Cəmiyyətinin təməlinin 1920-ci ildə general-leytenant Əliağa Şıxlinski tərəfindən qoyulduğunu bildirib və cəmiyyətin missiyası barədə məlumat verib.
Daha sonra yarışa start verilib. İki hissədən ibarətdən intellektual yarışda şəhərin müxtəlif sahələrini təmsil edən 7 komanda iştirak edib. Yarışın yekun nəticəsinə əsasən I yeri Sumqayıt Könüllü Cəmiyyəti, II yeri Sumqayıt Dövlət Universiteti, III yeri isə Sumqayıt "Asan" Xidmət Mərkəzinin komandası layiq görülüb.
Qalib komandalar bölmə tərəfindən diplom, kubok və hədiyyələrlə təltif edilib. Qarşıdan gələn 8 mart Beynəlxalq Qadınlar günü münasibətilə xanım iştirakçılara bölmə tərəfindən güllər təqdim olunub.
Xəbərdən istifadə edərkən istinad etmək vacibdir.
