Azad edilmiş ərazilərdə işğala qədər mövcud olmuş inzibati, sosial infrastruktur təyinatlı binaları və mülki əhaliyə məxsus fərdi yaşayış evləri barədə məlumatlar topoqrafik xəritələr üzərində təsbit edilərək, vektorlaşdırılıb.
Xeberle.com xəbər verir ki, bu barədə Nazirlər Kabinetinin 2021-ci ildə fəaliyyəti haqqında hesabatda qeyd olunub.
Hesabata əsasən, ötən il Kəlbəcərdə 140, Laçında 126, Cəbrayılda 91, Qubadlıda 94, Zəngilan və Ağdam rayonlarının hər birində 85, Füzulidə 60, Tərtərdə 17, Xocavənddə 13, Xocalıda 9, Xankəndidə 2 ərazi vahidi üzrə vektorlaşdırma aparılıb.
Prosesin nəticəsində 73,4 min torpaq parseli, 2,9 min yol və 160,7 min əsas və köməkçi tikili rəqəmsallaşdırılaraq "Qarabağ rəqəmsal geoinformasiya sistemi”nə daxil edilib.
Xəbərdən istifadə edərkən istinad etmək vacibdir.
