Qızıl Aypara Cəmiyyətinin (QAC) Sumqayıt bölməsi ahılları sevindirdi
Xeberle.com xəbər verir ki, bu barədə bölmə məlumat yayıb. Məlumatda deyilir: "Hər il olduğu kimi bu il də əməkdaşlıq etdiyimiz Paşa Bank ASC-nin rəhbərliyi Novruz bayramında ahıllarımızı unutmamış, onlara bayram sovqatlarının hazırlanmasında öz dəstəklərini göstərmişdilər. Bölmə sədri Mətanət Məhərrəmova Paşa Bankın əməkdaşlarını salamlamış, bayramlarda bölmə qeydiyyatında olan ahıllara göstərdikləri diqqət və qayğı ücün təşəkkürünü bildirmişdi. Bankın əməkdaşı Leyla Mirkişiyeva bankın rəhbərliyi adından ahılları bayram münasibəti ilə təbrik edərək, xoş arzularını bildirdi. Bayram qutuları alan ahıllar da öz növbələrində xeyriyyəci təşkilat nümayəndələrinə, QAC Sumqayıt şəhər bölməsinin əməkdaşlarına öz minnətdarlıqlarını bildirdirərək, xeyir-dua verdilər. Paşa Bankın əməkdaşları və bölmə könüllüləri yataq xəstələrinin sovqatlarını evlərində catdırdılar. Bildirmək istəyirik ki,bu bayramda Paşa Bankın dəstəyi ilə 120 ahıl ailələri sevindirildi.
Xəbərdən istifadə edərkən istinad etmək vacibdir.
