Sumqayıt şəhər Gənclər və İdman Baş İdarəsinin təşkilatçılığı ilə "31 Mart Azərbaycanlıların Soyqırım Günü” münasibəti ilə dəyirmi masa keçirilmişdir. İlk öncə soyqırım qurbanlarının və torpaqlarımız uğrunda canlarından keçən qəhrəman Vətən övladlarının unudulmaz xatirəsi bir dəqiqəlik sükutla yad edilmişdir.
Tədbiri giriş sözü ilə açan E.Hümbətov 1918-ci il 30 mart və 3 aprel tarixləri arasında Bakı şəhərində və Bakı quberniyasının müxtəlif bölgələrində, eləcə də digər şəhər və rayonlarda Bakı Soveti və daşnak erməni silahlı dəstələrinin azərbaycanlılara qarşı soyqırım törətdiyini, 12 minə yaxın azərbaycanlının qətlə yetirildiyini, on minlərlə insanın itkin düşdüyünü, bir çox qədim binaların, tarixi abidələrin, o cümlədən ziyarətgahların, dünya memarlığının incilərindən sayılan İsmailiyyə binasının top atəşinə tutulduğunu, Cümə və Təzəpir məscidlərinin minarələrinin ağır zədələr aldığını və daşnak silahlı dəstələrinin karvansarada vəhşicəsinə öldürdükləri insanların meyitlərinin elə oradaca yandırdıqlarını vurğuladı və bildirdi ki, 1998-ci il martın 26-da Ümummilli Lider Heydər Əliyev "Azərbaycanlıların soyqırımı haqqında" fərman imzalamış və həmin gündən "31 Mart tarixi Azərbaycanlıların Soyqırımı günü” kimi qeyd olunmuşdur.
Daha sonra E.Hümbətov minilliklərə söykənən şanlı tariximizin ən görkəmli sərkərdələrindən biri, Müzəffər Ali Baş Komandan cənab İlham Əliyevin tarixin gedişini dəyişməyi bacararaq işğal altındakı torpaqlarımızı azad etməklə Azərbaycan xalqını məğlubiyyət girdabından xilas etdiyindən və bunla da Azərbaycan tarixində yeni bir şanlı səhifənin açıldığından danışdı.
Tədbir diskusiya formatında davam etmişdi.
Xəbərdən istifadə edərkən istinad etmək vacibdir.
