Aprelin 1-də Sumqayıt Regional Mədəniyyət İdarəsinə tabe olan Qubadlı Rayon Nümayəndəliyi Vətən müharibəsi şəhidi Milli Qəhrəman Şükür Həmidovun anım günü ilə əlaqədar tədbir keçirib.
İştirakçılar Şəhidin yaşadığı binanın önündəki xatirə abidəsini sonra isə II Fəxri Xiyabanda məzarını ziyarət edib, məzarı önünə əkilil və gül dəstələri qoyublar. Vətənimizin bütövlüyü uğrunda canlarından keçən şəhidlərimizin əziz xatirəsi bir dəqiqəlik sükutla yad edildikdən sonra Hərbi orkestrin ifasında Azərbaycan Respublikasının Dövlət Himni səsləndirilib.
Tədbir Milli Qəhrəman, Şəhid Şükür Nəriman oğlu Həmidovun adını daşıyan Qubadlı Rayon Xanlıq kənd 3 nömrəli məktəbdə davam edib. Qubadlı Rayon İcra Hakimiyyətinin başçısı Malik İsaqov və digər məsul işçiləri, şəhidin ailə üzvləri, döyüş yoldaşları, rayon ictimaiyyəti işirak ediblər. Çıxış edənlər Milli Qəhrəman haqqında, onun qəhrəmanlığı, igidliyi, vətənə sevgisindən danışıblar. Atası Nəriman Həmidov çıxış edərək onlara göstərilən diqqət və qayğıya görə Azərbaycan Respubliasının prezidenti cənab İlham Əliyevə öz minnətdarlığını bildirib. Sonda ədəbi-bədii kompozisiya, muğam parçaları, bədii qiraət və dram dərnəyinin üzvləri tərəfindən şeir söylənilib və səhnəciklər göstərilib.
Xəbərdən istifadə edərkən istinad etmək vacibdir.
