Sumqayıt Regional Mədəniyyət İdarəsinə tabe olan S.Vurğun adına Mərkəzi kitabxananın təşkilatçılığı ilə Milli Qəhrəman Cəlil Səfərov adına 10 nömrəli tam orta məktəbdə Aprel döyüşlərinə həsr olunan "Aprel döyüşlərindən böyük Qələbəyə” adlı tədbir təşkil edilib. Şəhidlərin xatirəsi bir dəqiqəlik sükutla yad edildikdən sonra dəyirmi masa ətrafında şəhid Elmar Nəsibovun anası Sürəyya xanım, şəhid Mikayıl Məmmədzadənin anası Zülfiyyə xanım, şəhid Rüfət Əhmədzadənin anası Ruhiyyə xanım, Vətən müharibəsi qazisi Həsən Yaqubov, ehtiyatda olan kapitan Samir Hacıyev, kitabxana işçiləri, məktəbin müəllim və şagird kollektivi aprel döyüşlərində qazanılan hərbi uğurların Vətən müharibəsində qazandığımız böyük qələbəyə gedən yolun təməli olduğundan, bu yolda canlarını fəda edən qəhrəman oğullarımızın həyatından və döyüşdə göstərdikləri igidliklərdən söhbət açıblar.
Sonda kitabxananın əməkdaşı aprel döyüşlərinə həsr olunan " Qəhrəmanlarımız vətənpərvərlik nümunəsidir” adlı sərginin xülasəsini verib.
Xəbərdən istifadə edərkən istinad etmək vacibdir.
