Xeberle.com portalının poçtuna Faiq Əli adlı vətəndaşdan şikayət məktubu daxil olub. Məktubu olduğu kimi diqqətinizə çatdırırıq:

Bu gün bir hadisə ilə rastlaşdım. Belə ki, evə bazarlıq etmək niyyəti ilə Köhnə Günəşlidə yerləşən "Bizim Market”də idim. İlk öncə gördüyümə inanmadım. Rəflərdən yerli və xarici istehsalı olan malların işçilər tərəfindən arabalara təlaşla boşaldılmasını gördüm və özlüyümdə dollar kursunun qalxması ilə millətin qanını necə içəcəklərini güman etdim. Və qeyri-ixtiyari olaraq bu səhnəni video çəkilişini etdim. Üstündən 20 saniyə keçməmiş bütün rəhbər işçiləri qabağımda gördüm və məndən videoçəkilişin silinməsini tələb etdilər. Hamı bizi seyr edirdi. Böyük çəkişmə oldu. Çox qorxurdular. Hər halda istehlakçılara xəbər etmədən almaq istədiyin malı "satılmır” demələri çox murdar hərəkət idi. Uzun sürən söhbətdən sonra videonu sildim. Amma fotolar qaldı. Bundan sonra qiymətlərin necə olacağını təsəvvür etmirəm. Sahibkarların bu vəziyyətdən belə istifadə etməkleri isə murdarlıqdır. Paylaşın, hamı görsün bu biabırçılığı!

Xeberle.com