Türkiyə və Azərbaycanda baş verən “nurçu”, “fətullahçı” hadisələrinə Birlik İnformasiya Mərkəzinin analitik şöbəsinin qonağı, birlik.az saytının Qərb dövlətləri üzrə mütəxəssis-politoloqu Elçin Abdullayev aydınlıq gətirir.

 Elçin Abdullayevin şərhini ozucularımıza olduğu kimi təqdim edirik:

“Əvvəla, ondan başlamaq lazımdır ki, sözügedən bu iki şəxs, çox yaxın olduqları halda, nədən münasibətləri kəskin şəkildə dəyişdi? Demək ki, nə Rəcəb Tayyib Ərdoğan, nə də Fətullah Gülən bir–birilərinə qəlbən bağlı adamlar deyilmişlər. Bunları, sadəcə, müəyyən şəxsi, ictimai, hətta, siyasi maraqlar birləşdirirmiş. İndi isə onlar bir birilərinə qarşı düşmən mövqeyində çıxış edirlər.

Hadisələri diqqətlə analiz etdikdə Türkiyədə cərəyan edən hadisələrin kökündə xarici faktorun olduğu, mayasının da haradan və hansı məqsədlər üçün yoğurulduğu gün kimi aydına çıxır. Baxın, Türkiyədə rüşvət əməliyyatının ilk günlərində balans “nurçular”ın xeyrinə işləyirdi. Hətta, R.T.Ərdoğanın düşdüyü durumdan necə çıxacağı müəyyən suallar yaradırdı. İndi isə vəziyyət tamamilə dəyişib. Demək olar ki,  hadisələr F.Gülənin əleyhinə cərəyan edir. Hətta Türkiyə baş nazirinin “nurçular”ın vurulma  kompaniyasına genişmiqyaslı start verdiyi açıq şəkildə hiss olunur.

Bəs necə oldu ki,  Gülən “camaatı” tərəfindən küncə sıxışdırılmış türk lider birdən-birə vəziyyəti öz xeyrinə dəyişə bildi

Bəs necə oldu ki,  Gülən “camaatı” tərəfindən küncə sıxışdırılmış türk lider birdən-birə vəziyyəti öz xeyrinə dəyişə bildi. Düşünürəm ki, burada Ukrayna hadisələrilə müəyyən bağlılıq var. Hər kəsə aydın idi ki, son dönəmlər R.T.Ərdoğanın yürütdüyü müstəqil siyasət xarici qüvvələrin, xüsusən də ABŞ-ın xoşuna gəlmirdi. Məhz bu səbəbdən Qərb dünyası Ərdoğanla vidalaşmaq qərarını vermişdi. Ötən ilin yayında “Gəzi” parkı, dekabrda isə rüşvət olayları dövriyəyə buraxıldı. Bu da təbii olaraq R.T.Ərdoğanın daxili dayaqlarını sarsıtmaq və onun imicini zədələməklə  seçkilərdə məğlubiyyətinə nail olunması üçün idi.

Lakin Ukrayna hadisələrinin dünya gündəminə ildırım sürətilə girməsi Ərdoğan iqtidarını müəyyən qədər düşdüyü durumdan çıxardı. Belə ki Rusiyanın Qərb dövlətləri tərəfindən təkləndiyi bir məqamda, Türkiyə bu ölkə ilə yaxınlaşma şansını ozündə saxlayırdı. Bunu nəzərə alan və ehtiyat edən Qərb, görünür özündən incik salmış olduğu Ərdoğanın Putinə tərəf addım ata  biləcəyini ehtimal etdiyindən Gülən kartını geri çəkməklə Rusiyanı tam olaraq təcrid vəziyyətində saxlamağı prioritet hesab edir, nəinki Ərdoğanın hazırkı durumda iqtidardan getməsini.

Məhz Ərdoğanın son açıqlamalarından da aydın hiss olunur ki, O, “Ağ Ev” lə razılaşıb

 Məhz, Ərdoğanın son açıqlamalarından da aydın hiss olunur ki, O, “Ağ Ev” lə razılaşıb. Əks-təqdirdə Ərdoğan əminliklə “seçkiləri uduzaramsa, siyasətdən getməyə hazıram” deməzdi. Eyni zamanda ABŞ prezidenti Barak Obamadan Fətullah Gülənin Türkiyəyə təhvil verilməsinə dair xahişin dilə gətirilməsi Qərb–Ərdoğan münasibətlərindəki buzların əriməsinə dəlalət edən amildir. Bundan başqa Rusiya Gürcüstana hucum edərkən Türkiyə ABŞ gəmilərinin boğazdan keçməsinə icazə vermədiyi halda, bu gün Amerika gəmilərinin Ukrayna sahillərinə yaxınlaşması üçün sərhədlərindən keçməsinə icazə verir. Bu faktın özü də təsdiq edir ki, Qərb, Ərdoğanla anlaşa bilib.

Bu razılaşmadan layiqincə yararlanmaq istəyən Türkiyə baş naziri, “gülənçilər”ə qarşı çoxşaxəli hucum siyasətini işə salıb ki, bunlardan da biri bizim ölkəmizdə fəaliyyət gostərən “nurçular”ın vurulma kamaniyasına startın verilməsidir

Bu razılaşmadan layiqincə yararlanmaq istəyən Türkiyə baş naziri, “gülənçilər”ə qarşı çoxşaxəli hucum siyasətini işə salıb ki, bunlardan da biri bizim ölkəmizdə fəaliyyət gostərən “nurçular”ın vurulma kampaniyasına startın verilməsidir. Bəllidir ki, “Gülən camaatı”nın üzvlərinin Azərbaycandakı fəaliyyəti, hətta dövlətin üst düzeyində təmsil olunan şəxs (lər) tərəfindən qarantiyaya alınmışdı. Bu üzdən Azərbaycanda “nurçular”ın çökdürülməsi Ərdoğan üçün mühüm əhəmiyyət kəsb edir. Ona görə də böyük ehtimalla Fətullah Gülənin Obamadan təhvil verilməsi üçün xahişdə bulunan Ərdoğan “fətullahçıların” məhv edilməsini Azərbaycan hakimiyyətindən rica edib. 

Bu isə Aərbaycanda “nurçuluğun” dayaqları hesab edilən yüksək vəzifələr tutan məlum şəxsləri həm narahat edir, həm də onların mövqelərini sarsıdıb. Nəzərə alınsa ki, bu gün Aərbaycanda “nurçulara  arxalıq” edən, şəxslərin adları həm də Rusiya ilə yaxınlıqları ilə bağlıdır. O zaman Azərbaycandakı “nurçuların” vurulmasında Qərbin də maraqlı olması məntiqə uyğun gəlir.

Məhz bu səbəbdən həmin insanlar özlərini sğortalamaq üçün “nurçu” olmadıqlarını söyləyirlər. Onların isə bu yanaşmaları, bir müddət öncə vəhabilərin, “Bİz vəhabi yox, sələfiyik” demələrinə bənzəyir.” (Birlik.az)