Sumqayıt Reginal Mədəniyyət İdarəsinə tabe olan Sumqayıt şəhər Mərkəzləşdirilmiş Kitabxana Sisteminin və Heydər Əliyev Mərkəzinin birgə təşkilatçılığı ilə Azərbaycan xalqının ümumilli lideri Heydər Əliyevin anadan olmasının 99-cu ildönümünə həsr olunan "İzi tarixlərdə,özü ürəklərdə yaşayan insan" adlı dəyirmi masa keçirilib.
Öncə Azərbaycanın ərazi bütövlüyü uğrunda canlarını qurban verən şəhidlərimizin əziz xatirəsi 1 dəqiqəlik sükutla yad edilib.
Tədbiri giriş sözü ilə MKS-nin direktor müavini Natavan Axundazadə açaraq ümummilli lider Heydər Əliyevin keçdiyi şərəfli həyat yolundan, zəngin fəaliyyətindən, xilaskarlıq missiyasından, eyni zamanda Azərbaycan xalqının çətin günlərində göstərdiyi misilsiz xidmətlərindən danışıb.
Sonra isə söz çıxışçılara verilib. Dəyirmi masa ətrafında Heydər Əliyevin həyatı, gördüyü işlər, apardığı siyasətdən bəhs olunub.
Nəzakət Əhmədova "Böyük rəhbərin şərəfli ömür yolu”, Leyla Salmanova "Xalqın xilası və nicat günü”, Leyla Mahmudzadə "Heydər Əliyevin mədəniyyətə töhfəsi”, Lalə Ağayeva "Heydər Əliyev və gənclər siyasəti”, Gülnar Hüseynova isə "Heydər Əliyevin uzaqgörən siyasəti – Şanlı Qələbəmizin təməli” mövzularında çıxışlar ediblər.
Tədbirdə 27 nömrəli tam orta məktəbin şagirdləri iştirak edib.
Xəbərdən istifadə edərkən istinad etmək vacibdir.
