Sumqayıtda artıq 2 gündür xüsusən gecə saatlarında qabarıq şəkildə davam ediən ekoloji problemlə bağlı şəhərin daha iki ziyalılası mövqe göstərib.
Xeberle.com onların fikirlərini təqdim edir.

Xalq artisti Məzahir Süleymanov: "Mənə görə, Sumqayıtın havası barədə həyəcan siqnalı çalmaq lazımdır!

Sumqayıt Dövlət Musiqi Dram Teatrının aktyoru, xalq artisti Məzahir Süleymanov son vaxtlar Sumqayıtın ekoloji durumunun pisləşməsi ilə bağlı fikirlərini Xeberle.com-a bölüşüb. O söyləyib ki, Sumqayıtdakı ekoloji problemlə bağlı məlumatlıdır: "Sumqayıtdakı zəhərli tüstü ilə bağlı nəinki məlumatım var, belə ki, biz də bu tüstüdən əziyyət çəkirik. Məncə, bu tüstü təkcə məişət tullantıları poliqonundan gələn tüstü deyil, həm də hansısa zavodun buraxdığı zəhərli qazlardır... Çox vaxt da, gecə adamlar yatarkən buraxırlar. Səhər durub pəncərəni açanda içəri qazlı-tüstülü hava dolur. Mənə görə, Sumqayıtın havası barədə həyəcan siqnalı çalmaq lazımdır!”

Sumqayıtlı vəkil Anar Qasımlışəhərin ekoloji problemindən danışarkən bunları deyib: "Konstitusiyamızın 39-cu maddəsinə görə, hər kəsin sağlam ətraf mühitdə yaşamaq hüququ vardır. Hər kəsin ətraf mühitin əsl vəziyyəti haqqında məlumat toplamaq və ekoloji hüquqpozma ilə əlaqədar onun sağlamlığına və əmlakına vurulmuş zərərin əvəzini almaq hüququ vardır. Bununla yanaşı hər kəsin ətraf mühiti qorumaq kimi bir konstitusin vəzifəsi var. Konstitusiyanın 78-ci maddəsinə görə, Ətraf mühitin qorunması hər bir şəxsin borcudur. Hər birimiz ətraf mühitin mühafizəsinə öz tövsiyəmizi verməliyik. Ən azından ətraf mühiti çirkləndirməməklə.

Siz jurnalistlərin üzərinə isə xüsusi missiya düşür. Ətraf mühitin çrklənməsi hallarını işıqlandırmaq, bu cür hüquq pozuntulrına qarşı dözümsüzlük mühitinin formalaşması istiqamətdə marifləndirici-təbliğat şi aparmaq və sair.”