Sumqayıtda 50 AE 435 dövlət nömrə nişanlı avtobusun sürücüsü ilə sərnişinlər arasında mübahisə düşüb.
Xeberle.com-un məlumatına görə, hadisə günorta saatlarında qeydə alınıb.
Sərnişinlərdən biri  Xeberle.com-a müraciət edərək baş verənləri belə nəql edib: "Saat təxmini 11:30 radələri idi. 7 nömrəli marşrut avtobusuna mindim. Çox sürətli sürürdü. Elə bil "avtoşluq” edirdi. Sərnişin olaraq bir neçə dəfə yavaş sürməyini xahiş etdim. Lakin sürücü məhəl qoymadı. Üstəlik yolboyu telefonla danışırdı. Növbəti dəfə ona irad bildirəndə məni təhdid etdi. Bunu həmin avtobusda olan sərnişinlər də təsdiq edər. Avtobusda olan müşahidə kameralarına baxış keçirsələr dediklərimin həqiqət olduğu üzə çıxacaq”.
Sərnişin bidlirir ki, baş verənlərlə bağlı Sumqayıt Nəqliyyat İdarəsinin "Qaynar xətt”inə də müraciət edib.
Xədicə Səxavətqızı

Xəbərdən istifadə edərkən istinad etmək vacibdir.