Sosial şəbəkələrdə Azərbaycan Tibb Universitetinin (ATU) kitabxanasının girişində tələbələrin narazılığına səbəb olan elan yerləşdirilib. Elanda tələbələrin şort və maykada kitabxanaya gəlməsinin qadağan edildiyi qeyd olunub.
Xeberle.com bildirir ki, Modern.az-ın əməkdaşı ATU-nun Mətbuat Xidməti ilə əlaqə saxlayaraq, məsələyə aydınlıq gətirməyə çalışıb.
Mətbuat xidmətindən saytımıza bildirilib ki, elan universitetin daxili nizam-intizam qaydalarına uyğundur.
"Burada qeyri-adi nəsə yoxdur. Geyim qaydalarına uyğun normativlər var və biz də buna riayyət edirik. Dünyanın ən demokratik ölkələrində belə, rəsmi qurumlarda, o cümlədən təhsil müəssisələrində "dress kod”lara əməl olunur. Bura təhsil müəssisəsidir, istər-istəməz daxili qaydalarımız var. Bir tələbənin tərzi digərinin etirazına səbəb ola bilər. Bu baxımdan bir tələbə istədiyi kimi geyinsin deyə, digərlərinin mövqeyini görməzdən gələ bilmərik", - deyə ATU-dan verilən açıqlamada qeyd olunub.
Xəbərdən istifadə edərkən istinad etmək vacibdir.
