İyunun 24-də Abşeron rayon İcra Hakimiyyətinin təşəbbüsü və Abşeron rayon Mədəniyyət Mərkəzinin təşkilatçılığı ilə Pirəkəşkül N saylı hərbi hissədə tədbir keçirilib. Tədbirdə Abşeron rayon İcra Hakimiyyətinin əməkdaşları, hüquq mühafizə orqanları, şəhid ailələri, əsgər və zabit heyyəti iştirak ediblər. Çıxış edən Abşeron rayon İcra Hakimiyyətinin başçısı Abdin Fərzəliyev 30 ilə yaxın işğalda qalan torpaqlarımızın 44 günlük vətən müharibəsində Ali Baş Komandan İlham Əliyevin rəhbərliyi altında və şanlı ordumuzun qəhrəmanlığı sayəsində mənfur düşməndən azad edildiyini bildirib.
Tədbirdə ulu öndər Heydər Əliyevin ordu quruculuğu istiqamətində apardığı siyasətin bu gün cənab prezident, Silahlı Qüvvələrin Ali Baş komandanı İlham Əliyev tərəfindən uğurla davam etdirildiyini xüsusi vurğulanıb. Tədbir konsert proqramı ilə davam etdirilib. Hərbi vətənpərvərlik abu-havasının hakim kəsildiyi tədbirdə əsgərlərimizin və qonaqlarımızın zövqünü oxşayan rəngarəng musiqi nömrələri alqışlarla qarşılanıb. Sonda Abşeron rayon İcra Hakimiyyətinin başçısı Abdin Fərzəliyev tərəfindən xidmətdə fərqləndiklərinə görə bir qrup hərbi qulluqçu Fəxri Fərman və müxtəlif hədiyyələrlə təltif olunub.
Xəbərdən istifadə edərkən istinad etmək vacibdir.
