Sumqayıt şəhərində Nizami Gəncəvi heykəlinin qarşısında taxtadan primitiv formada qeyri-qanuni obyekt quraşdırılmışdı. Gəlin razılaşaq ki, bu cür yöndəmsiz obyektin burada - parkın tən ortasında qurulması Sumqayıt şəhərinə, ən əsası dahi şairimiz Nizami Gəncəvinin adını daşıyan parka yaraşmır. Bu hadisə göz önündə baş versə də, aldığımız məlumata görə hardasa obyekt sahibindən çəkinən məmurlar hansısa tədbir görməyiblər. Amma artıq söküntüyə qərar verilib. Xeberle.com-un əldə etdiyi məlumata görə, söküntüyə məsələdən xəbərdar olan icra başçısı qərar verib. Sözügedən tikili isə Sumqayıtda kifayət qədər obyektləri olan Samir Cəlilov adlı şəxs tərəfindən icazəsiz quraşdırılıbmış.

Sahibkarlıq fəaliyyəti ilə məşğul olmaq, maddi sərvət toplamaq olar, amma şəhərimizə, mənəvi dəyərlərimizə hörmətlə yanaşmaq hər birimizin borcudur.
Məsələ ilə bağlı araşdırmamız davam edir.