Azərbaycan qanunvericiliyindən "lal-kar, kor” və "şikəst" sözləri çıxarılıb.
Xeberle.com xəbər verir ki, bu, Prezident İlham Əliyevin təsdiqlədiyi Mülki Məcəllə və "Azərbaycan Respublikasının daxili işlər orqanlarında xidmət keçmə haqqında Əsasnamə”də dəyişiklik edilməsi barədə qanunda əksini tapıb.
Belə ki, Məcəllənin 1183.1-ci maddəsində "lal-kardırsa və ya lal-kar” sözləri "nitq-eşitmə qabiliyyəti tam məhdud olan şəxsdirsə və ya nitq-eşitmə qabiliyyəti tam məhdud” sözləri ilə əvəz edilib.
Əsasnamənin isə 83-cü maddəsinin üçüncü hissəsində "xəsarət” sözü "xəsarətlə” sözü ilə əvəz edilib və həmin hissədən "yaxud şikəstliklə” sözləri çıxarılıb.
Xəbərdən istifadə edərkən istinad etmək vacibdir.
