“ANS “Adam İçində” verilişini bağlamayacaq”

Bu sözləri AZXEBER.COM-a açıqlamasında ANS şirkətlər qrupunun ictimai əlaqələr üzrə baş müşaviri Mais Məmmədov söyləyib. O bu gün mətbuatda Elgiz Əkbərin aprıcısı olduğu “Adam İçində” verilişinin bağlanması ilə bağlı yayılan xəbərlərə münasibət bildirərkən belə deyib:

“ Adam İçində’ verilişi ilə bağlı ANS öz qərarını verib. Bu veriliş bağlanmayacaq. Verilişin bağlanması üçün heç bir əsas da yoxdur. “Adam İçində” verilişi tamaşaçı auditoriyası tərəfindən çox böyük rəğbətlə qarşılanır”.

Xatırladaq ki, bu gün ATV kanalında yayımlanan “Ümid var” verilişinin bağlanması ilə bağlı kanalın Bədii Şurası tərəfindən qərar qəbul edilib.