"Milli Arxiv Fondu haqqında” Qanuna uyğun olaraq 44 günlük Vətən müharibəsində qəhrəmancasına şəhid olmuş Vətən övladlarının əziz xatirəsinin əbədiləşdirilməsi, həmçinin onlara aid olan sənədlərin vahid şəxsi arxiv fondunda toplanılması, mühafizəsi, istifadəsi və gələcək nəsillərə ötürülməsi məqsədilə müvafiq tədbirlərin görülməsi davam edir.
Milli Arxiv İdarəsindən Xeberle.com-a bildirilib ki, bu istiqamətdə Vətən müharibəsi şəhidləri Amal Əlişanlının, Süleyman Bağırovun, Fuad Bağırovun, Yusif Cəfərovun, Ramil Əliyevin, Elçin Əliyevin, Kamran Fərəcovun, Məharət Həsənovun, Nicat Hüseynovun, Emil Hümbətovun, Həsən Həsənovun, Namiq Xəlilovun, Şəhriyar İsmayılzadənin, Bəxtiyar İslamovun, Asif Qəribovun, Elnur Qarayevin, Röyal Məmmədovun, Əli Mənəflinin, Cavid Məmmədlinin, Xəqani Məmmədovun, Ruslan Rüstəmovun, Elvin Şıxəliyevin, Şəmsəddin Vəliyevin, Zeynal Zülfüqarlının şəxsi sənədlərinin və fotoalbomlarının surətləri Dövlət Arxivinin Şirvan filialına təqdim edilib.
Xəbərdən istifadə edərkən istinad etmək vacibdir.
