Koronavirus (COVİD-19) infeksiyasının ölkə ərazisində yayılmasının
qarşısının alınması məqsədilə xüsusi karantin rejiminin elan edildiyi
dövrdə Sumqayıt Regional Mədəniyyət İdarəsi öz fəaliyyətini onlayn
olaraq davam etdirir.
Sumqayıt Regional Mədəniyyət İdarəsinin rəisi Mehman Şükürov 30 aprel
2020-ci il saat 12:00-da Xızı və Qubadlı tabe müəssisələri, saat
14:00-da isə Zəngilan və Şuşa tabe müəssisə rəhbərlərinin iştirakı ilə
onlayn müşavirə keçirib.
Onlayn müşavirədə idarə rəisi ilk olaraq xüsusi karantin rejiminin
tələblərinə ciddi əməl edilməsini vurğuladıqdan sonra tabe müəssisələrin
onlayn fəaliyyətlərini daha da genişləndirilməsini, virtual səyahət və
sərgilərə davam edilməsi, dezinfeksiya işlərinin mütəmadi olaraq
aparılması, habelə aztəminatlı, sosial diqqətə ehtiyac olan ailələrə
yardım göstərilməsi, 65 yaşdan yuxarı mədəniyyət işçilərinin evlərinə
ziyarət edilməsi, onlarla daimi telefon rabitə vasitəsilə ünsiyyət
saxlanılması və digər məsələlər üzrə tapşırıqlar verilib.
Sonda tabe müəssisələrin rəhbərlərinin karantin dövründə görülmüş
işləri barədə hesabatları dinlənilib və qeyd olunan irad və təkliflər
nəzərə alınaraq tez bir zamanda aradan qaldırılacağı bildirilib.
Xəbərdən istifadə edərkən istinad etmək vacibdir.
