"Sosial İqtisadi İnkişaf Uğrunda” ictimai birliyi yeni layihəyə start verib.
Bu barədə Xeberle.com-a ictimai birliyin sədri Sevda Məmmədova məlumat verib. Bildirib ki, Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə "Sosial İqtisadi İnkişaf Uğrunda” ictimai birliyi sentyabrın 1-dən ""Qarabağa qayıdış” təşəbbüs qruplarının hazırlanması” layihəsinin icrasına başlayıb: "Üç ay davam edəcək layihədə
keçmiş məcburi köçkünlərin təşkilatlanmasına üstünlük verilir və Sumqayıt şəhərində məskunlaşmış bu kateqoriyadan olan şəxslər arasında keçiriləcək. Müxtəlif yaş səviyyəsini əhatə edən hər biri 10 nəfər olmaqla 4 fokus qrup və hər biri 20 nəfərdən ibarət 2 təlim keçiriləcək.
Layihənin məqsədi yaradılacaq keçmiş məcburi köçkünlərdən ibarət dəstək və təşəbbüs qruplarının işğaldan azad edilən tarixi torpaqlara qayıdış zamanı əhalinin problemlərinin üzə çıxarılmasına və həllinə diqqətin yönləndirilməsidir”.
Xəbərdən istifadə edərkən istinad etmək vacibdir.
