Sumqayıt şəhər 6-cı mikrorayon ərazisində Yeni Azərbaycan Partiyası (YAP) Sumqayıt şəhər təşkilatına yeni inzibati bina tikilib.

Ümumilikdə 3500 kvadratmetr sahəni əhatə edən bina 2 mərtəbədən və mansar hissədən ibarətdir. İnzibati binanın birinci mərtəbəsinin sahəsi 950 kvadratmetrdir və binanın foyesində ulu öndər Heydər Əliyevin büstü qoyulub. Burada ümummilli lider Heydər Əliyevin və Prezident İlham Əliyevin həyat və fəaliyyətini, həmçinin YAP-ın müxtəlif tədbirlərində iştiraklarını əks etdirən fotolardan ibarət guşələr yaradılıb. İkimərtəbəli binada 300 nəfərlik konfrans zalı, iş və texniki otaqlar da var. İnzibati bina müasir avadanlıqla təchiz edilib. Binanın tikildiyi ərazi abadlaşdırılıb, yaşıllıq zolağı və park salınıb. Park ərazisində fontan quraşdırılıb və avtomobillərin park edilməsi üçün avtodayanacaq da fəaliyyət göstərir.

 

Xatırladaq ki, YAP-ın Sumqayıt şəhər təşkilatının fəaliyyət göstərdiyi hazırki bina qəzalı vəziyyətdədir. Yaxin günlərdə Azərbaycan Respublikasının Prezidenti İlham Əliyevin Sumqayıta səfər edəcəyi gözlənlilir. Ölkə başçısının YAP Sumqayıt şəhər təşkilatının yeni inzibati binasının və digər sosial obyektlərin açılışında iştirakı nəzərdə tutulur. 

Foto Xəqani Əzizov