Xeberle.com xəbər verir ki, rəsmi məlumata görə, Sumqayıt şəhər Şəhidlər Xiyabanında 515 şəhid dəfn olunub ki, onlardan 407-si 1-ci Qarabağ müharibəsi, 106-sı 2-ci Qarabağ müharibəsi, (Vətən müharibəsi) 2-si isə son günlər erməni təxribatı nəticəsində həlak olan hərbiçilərimizdir.

Sumqayıtın Vətən Müharibəsində şəhid verdiyi gənclər Mahir Xələfli və Tərlan Rzayev ilk şəhidlərdən sayılır.

Mahir Xələfli 2001-ci ildə Sumqayıt şəhərində dünyaya gəlib. İyulun 9-da həqiqi hərbi xidmətə yolanıb və Gəncə şəhərində N saylı hərbi hissədə xidmətə başlayıb. Sonra Daşkəsəndə yerləşən hərbi hissələrdən birində hərbi xidmətini davam etdirib. 27 sentyabr ikinci Qarabağ müharibəsi başlanan günü Mahir Xələfli döyüşlərə qatılır və Kəlbəcər rayonu istiqamətində gedən döyüşlərdə 19 yaşında şəhidlik zirvəsinə ucalıb.

Dövlət başçısının sərəncamları ilə Mahir Xələfli ölümündən sonra "Vətən uğrunda” və "Kəlbəcərin azad olunmasına görə” medallarına layiq görülüb.

44 gün davam edən Vətən Müharibəsinin ilk şəhidlərindən biri də əsgər Tərlan Rzayevdir.

Tərlan Rzayev 2001-ci ildə Sumqayıt şəhərində anadan olub. 18 yaşı tamam olanda hərbi xidmətə yollanıb. Sentyabrın 27-də müharibə başlayan gün 1 il 3 ay imiş hərbi xidmətdə imiş Tərlan. Mühasirəyə düşən yoldaşlarının köməyinə yetişməyə çalışan Tərlan Rzayev Füzuli istiqamətində son damla qədər qanınadək döyüşərək, şəhidlik zirvəsinə yüksəlib.

Ölümündən sonra təltif olunduğu "Vətən uğrunda” və "'Füzulinin azad olunmasına görə” medalları ilə təltif edilib.

Hər iki şəhid Sumqayıt Şəhidlər Xiyabanında dəfn edilib.

Xədicə Səxavətqızı

Xeberle.com