Sumqayıt Regional Mədəniyyət İdarəsinə tabeli Qubadlı Rayon MİHİK-nin sədri Yaqub Vəliyevin təşəbbüs və təşkilatçılığı ilə 28 sentyabr 2022-ci il tarixində 44 günlük Vətən müharibəsinin şəhidi Ramil Elşən oğlu Quliyevin ailəsi ziyarət olunub. Mədəniyyət işçiləri öncə şəhidimizin adına verilmiş küçənin açılışında iştirak edib, baralyefi önünə tər qərənfillər düzüblər. Sonra iştirakçılar ailəni ziyarət ediblər. Yaqub Vəliyev söhbət əsnasında bildirib ki, şəhidlərimizin xatirəsini uca tutmaq, onları unutmamaq hər birimizin borcudur.
Ziyarət zamanı şəhidin xoş xatirələrindən danışılıb, ailəsinə maddi və mənəvi dəstək göstərilib.
Xəbərdən istifadə edərkən istinad etmək vacibdir.
