![Bu hərbçilər də dövlətə vurulmuş ziyanı ödəyəcək Bu hərbçilər də dövlətə vurulmuş ziyanı ödəyəcək](/uploads/posts/2022-10/medium/1665478907_1665478527.1663325096_1057197.jpg)
Hərbi qulluqçular və toplanışa çağırılmış hərbi vəzifəlilər tərəfindən dövlətə vurulmuş ziyan onların həmin ziyana səbəb olmuş hərəkətlərinə (hərəkətsizliyinə) görə artıq inzibati məsuliyyətinə cəlb olunub-olunmamasından asılı olmayaraq ödəniləcək.
Xeberle.com xəbər verir ki, Milli Məclisin bu gün keçirilən iclasında "Hərbi qulluqçuların dövlətə vurduqları ziyana görə maddi məsuliyyəti haqqında Əsasnamə”də dəyişiklik edilməsi barədə” qanuna təklif edilən dəyişiklik müzakirəyə çıxarılıb.
İndiyə qədər hərbi qulluqçular və toplanışa çağırılmış hərbi vəzifəlilər tərəfindən dövlətə vurulmuş ziyan onların həmin ziyana səbəb olmuş hərəkətlərinə (hərəkətsizliyinə) görə intizam və yaxud cinayət məsuliyyətinə cəlb olunub-olunmamasından asılı olmayaraq ödənilirdi.
Həmçinin, dövlətə ziyan vurmuş şəxs inzibati məsuliyyətə cəlb edildiyi halda komandir (rəis) bu şəxsə ödənilməmiş ziyanın bütün miqdarı həcmində mülki iddia verməli olacaq. İndiyə qədər dövlətə ziyan vurmuş şəxs cinayət məsuliyyətinə cəlb edildiyi halda komandir (rəis) bu şəxsə ödənilməmiş ziyanın bütün miqdarı həcmində mülki iddia verməli idi.
Xəbərdən istifadə edərkən istinad etmək vacibdir.