Sumqayıt şəhər İcra Hakimiyyətinin təşəbbüsü, şəhər Gənclər və İdman Baş İdarəsinin təşkilatçılığı ilə şəhid Əliyev Səmid Xoşbəxt oğlunun ailəsi idman ictimaiyyəti nümayəndələri tərəfindən ziyarət edilmişdir.
Ziyarət zamanı şəhid Səmid Əliyevin keçdiyi şərəfli döyüş yolundan danışılmış, ailənin qayğıları dinlənilmişdir. Bildirilmişdir ki, ölkəmizin ərazi bütövlüyü uğrunda öz canından keçmiş şəhidlərimizin ailələrinə, həmçinin müharibə qazilərinə dövlət tərəfindən böyük diqqət və qayğı göstərilir.
Şəhidin atası Xoşbəxt Əliyev göstərilən diqqət və qayğıya görə prezident cənab İlham Əliyevə, şəhər rəhbərliyinə və bu işlərdə yaxından iştirak edən hər bir kəsə öz dərin minnətdarlığını bildirmişdir.
Xəbərdən istifadə edərkən istinad etmək vacibdir.
