Xeberle.com bu barədə "Elin sözü"nə istinadən xəbər verir.

Bildirilir ki, alıcı üzərinə diqqət etmədən iki adda: "Zefir Sloyka" və "Elekber Paxlava" şirniyyat məmulatı əldə edib. Evdə məmulatı istifadə edəndə spesifik köhnəliyi bildirən dad alıb və məhsulun üzərində tarixi axtarıb. Ancaq mağazada satılan məhsulun üzərində nə istehsal, nə bitmə tarixi, nə də məhsul haqqında, istehsalçı barədə məlumata rast gəlinir.

Həmçinin mağazanın verdiyi satış çekinin üzərində nə QR kod və nə də fiskal göstərilib.

"Qayalı” Marketlər Şəbəkəsindən vətəndaşın iddiasına münasibət bildirilib. Marketlər Şəbəkəsinin İctimaiyyətlə əlaqələr şöbəsinin müdiri İlkin Şirinov Xeberle.com-a açıqlamasında bildirib ki, alıcının şikayətçi olduğu məsələ Sumqayıtın "Yaşıldərə” yaşayış massivində yerləşən "Qayalı superstore”da olub: "Müştərinin qaytardığı həmin məhsulun üzərində bizim tərəzi çeklərində müəyyən texniki problemlərə olduğuna görə, paketlənmə tarixi və paketlənmənin bitmə tarixi qeyd olunmayıb. Bu problemlər artıq aradan qaldırılıb. Amma məhsul gətirilən qutuların üzərində məhsulun istehsal və bitmə tarixi öz əksini tapıb.

Digər məsələ ilə bağlı bildirmək istəyirəm ki, 2021-ci ilin oktyabrın ayından bizim proqramlara uyğun olan fiskal boks aparatlarının satışında problemlər var və satışı dayandırılıb. Biz növbəti il üçün bu aparatları sifariş vermişik və həmin aparatlar gəldikdən sonra mövcud problem də aradan qaldırılacaq. Demək olar ki, aparatlarımızın 90 faizi fiskallaşıb.

"Qayalı” Marketlər Şəbəkəsi olaraq müştəriyə dəyən ziyanı aradan qaldırmağa hazırıq”.

Turqut Rzalı