Sumqayıt Regional Mədəniyyət İdarəsinə tabeli Sumqayıt Şəhər Heydər Əliyev Mərkəzi və Şəhər Mədəniyyət evinin birgə təşkilatçılığı ilə Vətən Müharibəsi qaziləri ilə "Vətəni yaşadan igid oğullar” adlı görüş keçirilib. Görüşdə qazi Vidadi Əliyev, Elmin Həsənov, Həsən Yaqubov iştirak ediblər. Azərbaycan Respublikasının Dövlət Himninin səslənməsi ilə başlanan görüşdə ilk olaraq Şəhər Mədəniyyət evinin direktoru Elnarə Rəşidova qazilərimizi və iştirakçıları salamlayaraq, 44 günlük müharibədə vətən oğullarının şücaətindən söhbət açıb. Qazilərin həyat və döyüş yolları haqqında məlumat verilib, videoçarx nümayiş olunub. Vətən müharibəsi qaziləri cəbhə təəssüratlarından, əsgər və zabitlərimizin keçdiyi şərəfli döyüş yolundan söz açıblar. Qazilər onlara göstərilən diqqət və qayğıya görə Azərbaycan Respublikasının Prezidenti cənab İlham Əliyevə minnətdarlıqlarını bildiriblər. Görüşdə Xidmət Sahələri üzrə Sumqayıt Dövlət Peşə Təhsil Mərkəzinin müəllimləri, kəşfiyyatçı, əməliyyat taboru, Bakı həmləsi üzrə 1-ci qrup əlil qazi Vidadi Əliyev, Azərbaycan Yazıçılar Birliyinin Sumqayıt şəhər bölməsinin məsləhətçisi, "Mədəni İnkişaf Təbliği İctimai Birliyinin sədri, ”Zərif” qadın ədəbi məclisinin sədri Xatirə Fərəcli, Aqil Salyayevin anası Xədicə xanım, Elnur Abdullayevin anası Səkinə xanım, Vüsal Muradovun anası çıxış ediblər. Müğənni Əli Əzizoğlu, Vüqar Təmkin, Əlipaşa Paşayev, Zaur Yusifli və "Veteranlar” xalq xoru vətənpərvərlik ruhunda mahnılar ifa ediblər. Mərkəzin direktoru Vüsalə Qurbanova çıxış edərək, torpaqlarımızın işğaldan azad edilməsi və ərazi bütövlüyümüzün təmin olunması yolunda canlarını qurban verən şəhidlərə, sağlamlığını itirmiş qazilərə xalqımızın sonsuz hörmət və ehtiramından, Ali baş Komandan – Azərbaycan Respublikasının Prezidenti cənab İlham Əliyevin yeritdiyi uzaqgörən siyasətdən söhbət açıb və görüşdə iştirak edən qazilərə öz minnətdarlığını bildirib.
Sonda xatirə şəkilləri çəkilib.
Xəbərdən istifadə edərkən istinad etmək vacibdir.
