Sumqayıt Regional Mədəniyyət İdarəsinə tabeli Nəriman Nərimanov adına Mədəniyyət Mərkəzinin Corat qəsəbə Mədəniyyət evinin kollektivi İkinci Qarabağ savaşında qəhrəmancasına şəhid olan Əzizağa Dadaşovun şəhadət günü ilə əlaqədar ailəsini ziyarət ediblər. Əzizağa Ramiz oğlu Dadaşov 1994-cü il iyulun 7-də Corat qəsəbəsində anadan olub. O, Vətən müharibəsində torpaqlarımızın işğaldan azad olunmasında igidlik göstərərək, 19 oktyabrda Füzulinin Yarəhmədli kəndinin azad olunması uğrunda gedən döyüşlərdə həlak olub. 26 yaşlı şəhidimiz Sumqayıt Şəhər Şəhidlər Xiyabanında dəfn olunub. Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulan tapşırıqların icrası zamanı, vəzifə borcunu şərəflə yerinə yetirdiyi üçün Azərbaycan Respublikasının Prezidenti cənab İlham Əliyevin Sərəncamına əsasən qəhrəmanımız ölümündən sonra "Vətən uğrunda", "Cəbrayılın azad olunmasına görə" və "Füzulinin azad olunmasına görə" medalları ilə təltif edilib. Mədəniyyət evinin kollektivi Ə.Dadaşovun qəhrəmanlığını əks etdirən şəkillərlə tanış olublar. Məhəllədəki baralyefinin qarşısına gül dəstələri düzüb, ailəsinə başsağlığı veriblər. Ailəyə maddi yardım olaraq ərzaq verilib. Sonda şəhidin ailəsi göstərilən diqqət və qayğıya görə Ölkə Rəhbərliyinə və kollektivə minnətdarlığını bildirib.
Xəbərdən istifadə edərkən istinad etmək vacibdir.
