Sumqayıt şəhər Gənclər və İdman Baş İdarəsi, Abşeron-Xızı Regional Təhsil İdarəsi və Sumqayıt Heydər Əliyev Mərkəzinin birgə təşkilatçılığı ilə 12 oktyabr 2021-ci il tarixindən start götürən "Xəmsə” Milli İntellektual Oyunu üzrə şəhər çempionatına yekun vurulub. Qeyd edək ki, 3 həftə davam edən və şəhərin 32 orta ümumtəhsil müəssisələrini təmsil edən komandaların iştirak etdiyi yarışda ümumilikdə 200-ə yaxın şagird bilik mübarizəsinə qoşulmuşlar.
Yarışın keçirilməsində məqsəd gənclərin vətənpərvərlik və vətəndaşlıq ruhunda tərbiyəsi, Ulu öndər Heydər Əliyev irsinin və 44 günlük Vətən müharibəsində əldə olunmuş şanlı qələbənin təbliği, intellektual oyunlara marağın artırılması və sağlam elmi rəqabət mühitinin yaradılmasıdır.
Gərgin mübarizə şəraitində keçən bilik yarışında 30 nömrəli tam orta məktəbin "Dəmir yumruq”, 28 nömrəli tam orta məktəbin "Kepler” və 11 nömrəli tam orta məktəbin "Delta” komandaları müvafiq olaraq I, II və III yerlərə layiq görülmüşlər.
Qalib komandalar Sumqayıt şəhər Gənclər və İdman Baş İdarəsinin kubok, medal, hədiyyə və fəxri fərmanları ilə təltif olunmuşlar.
Xəbərdən istifadə edərkən istinad etmək vacibdir.
