Bu gün Sumqayıt Sukanal İdarəsində 8 Noyabr Zəfər Günü münasibətilə tədbir keçirilib.
Xeberle.com xəbər verir ki, tədbirdə Sumqayıt Sukanal idarəsinin əməkdaşları, idarədə çalışan qazilər, vətən müharibəsi iştirakçıları həmçinin şəhid ailələri iştirak ediblər. Tədbirin əvvəlində müasir Azərbaycanın qurucusu ümummilli lider Heydər Əliyevin və bütün şəhidlərimizin əziz xatirəsi bir dəqiqəlik sükutla yad edilib.
Bundan əlavə Sumqayıt Sukanal idarəsinin rəisi Xalid Quliyev çıxışında Prezident İlham Əliyevin təkcə Müzəffər Ali Baş Komandan deyil, bütün dünya azərbaycanlılarının milli birliyini təmin edən, onları vahid Vətən ideyası altında birləşdirən, böyük hədəflərə doğru aparan, mənəvi yükü yüzillərə sığmayan tarixi bir missiyanın lideri olmasından danışıb. Həmçinin bugün Birinci Qarabağ müharibəsi şəhidinin övladı Qədirov Ramil Alekseyeviç Sumqayıt Sukanal idarəsində işlə təmin olunub.
Xəbərdən istifadə edərkən istinad etmək vacibdir.
