Yeni Azərbaycan Partiyasının təsis edilməsinin
30-cu ildönümü ilə əlaqədar partiyanın Sumqayıt şəhər təşkilatı Sumqayıt şəhərində
ağacəkmə aksiyası keçirib.
Xeberle.com xəbər verir ki, aksiyada YAP İdarə Heyyətinin üzvü, YAP Sumqayıt
şəhər təşkilatının sədri Ramiz Hüseynov, Sumqayıt şəhər İcra Baçşısının müavini-
Şəhər təsərrüfatı şöbəsinin müdiri vəzifəsini icra edən Gündüz Əliyev, Sumqayıt
Bulvar MMC-nin rəhbəri Yavər Vəliyev, YAP Sumqayıt şəhər təşkilatının əməkdaşları,
ərazi partiya təşkilat sədrləri və könüllülər iştirak ediblər. Aksiya iştirakçıları Sumqayıt Bulvarı ərazisində
300 ədəd sərv və şam ağacları əkiblər.
Aksiya zamanı qeyd olunub ki, bu tədbir Yeni
Azərbaycan Partiyası nümayəndələrinin ölkəmizdə həyata keçirilən yaşıllaşdırma
aksiyasına növbəti töhfəsidir. Gələcəkdə də bu cür aksiyaların davamlı olacağı
nəzərdə tutulmuşdur. Müasir, müstəqil Azərbaycan dövlətinin qurucusu, Yeni Azərbaycan
Partiyasının yaradıcısı, ulu öndər Heydər Əliyev ölkəmizə rəhbərlik etdiyi
bütün dövrlərdə ətraf mühitin mühafizəsinə, ekoloji vəziyyətin qorunmasına,
yaşıllıqların və parkların salınmasına xüsusi diqqət yetirmişdir. Yeni Azərbaycan
Partiyası da Ulu Öndərimiz tərəfindən qoyulan bu ənənəni layiqincə davam etdirməkdədir.
Sonda Yeni
Azərbaycan Partiyası Sumqayıt şəhər təşkilatının ictimai-siyasi həyatında fəal
iştirakına görə partiya fəalları fəxri fərmanla təltif olunub.
Xəbərdən istifadə edərkən istinad etmək vacibdir.
