Sumqayıt Regional Mədəniyyət İdarəsinə tabeli S.Vurğun adına Mərkəzi Kitabxanada Sumqayıt şəhərinin 73 illiyi münasibətilə "Sumqayıt: Arzuların şəhəri” adlı tədbir keçirilib.
Xeberle.com xəbər verir ki, tədbiri ilk olaraq kitabxananın əməkdaşları Sevda Məhəmmədova və Təranə Tapdıq qızı açaraq, qonaqları təqdim edib, onların şəhərimizin ictimai həyatında əvəzsiz xidmətlərini qeyd ediblər. Təqdim olunan qonaqlar arasında Sumqayıt şəhər Veteranlar Təşkilatının sədri Sovet Şükürov, üzvləri: Şıxbaba Rzayev, İsaq Vəliyev, Gülnaz Səfərova, Azərbaycan Yazıçılar Birliyinin üzvü, əməkdar jurnalist Eyruz Məmmədov, Prezident təqaüdçüsü, Azərbaycan Yazıçılar Birliyinin, Türk Ədəbiyyatı Vakfının fəxri üzvi şair İbrahim İlyaslı və Xidmət sahələri üzrə Sumqayıt Peşə Təhsili Mərkəzi, 5 nömrəli tam orta məktəbin müəllim, şagird kollektivi və tələbələr iştirak ediblər. Sumqayıtın tarixi, keçdiyi inkişaf yolu, bu günü haqqında qonaqların söylədikləri faktlar iştirakçılar tərəfindən maraqla dinlənilib. Sonra oxucuların ifasında doğma şəhərimizə həsr olunan şeirlər təqdim olunub. Daha sonra Sumqayıt Mərkəzləşdirilmiş Kitabxana Sisteminin direktor v.m.i.e.Natəvan Axundzadə kitabxananın tarıxi, şəhərimizin həyatında kitabxanaçı əməyinin də danılmaz olduğunu qeyd edib, qonaqlara və iştirakçılara öz təşəkkürünü bildirib. Sonda qonaqlarla xatirə şəkli çəkilib.
Xəbərdən istifadə edərkən istinad etmək vacibdir.
