Səhiyyə islahatlarının tətbiqində səhiyyənin müxtəlif sahələrinin spesifik xüsusiyyətlərinin diqqətdən qaçırılması, dövlət proqramlarının icrasında çatışmazlıqlara gətirib çıxarır.
Bunu deputat Müşfiq Məmmədli parlamentdə çıxışı zamanı deyib.
O qeyd edib ki, buna misal olaraq, uşaqların icbari dispanserizasiyasında son 2 ildə meydana çıxan qarışıqlıqları göstərmək olar: "Buna səbəb isə ilkin səhiyyə sistemində əvvəlki poliklinik sistemdən ASM (Ailə sağlamlıq mərkəzləri) sisteminə keçid nəticəsində icra mexanizminin pozulmasıdır. Dövlət proqramlarının həyata keçirilməsi necə planlaşdırılacaq?
Başqa bir məsələ isə səhiyyə müəssisələrinin PHŞ-lər (publik hüquqi şəxs) kimi adları dəyişsə də, əslində, büdcə vəsaitlərindən istifadə edən səhiyyə qurumları kimi fəaliyyət göstərməkdir. Bu da lazımsız və mənasız xərclərin meydana çıxmasına və neqativ hallar üçün münbit şərait yaradılmasına səbəb olur".(olke.az)
Xəbərdən istifadə edərkən istinad etmək vacibdir.
