Sumqayıt Regional Mədəniyyət İdarəsinə tabeli Sumqayıt şəhərinin Tarixi Muzeyində "Korrupsiya ilə mübarizə” mövzusunda muzey əməkdaşlarına maarifləndirici tədbir keçirilib.
Xeberle.com xəbər verir ki, Sumqayıt şəhərinin Tarixi Muzeyinin direktoru Aygün Zülfüqarlı çıxış edərək, Prezidentin müvafiq sərəncamı ilə təsdiq edilmiş "Korrupsiyaya qarşı mübarizənin gücləndirilməsinə dair 2022─2026-cı illər üçün Milli Fəaliyyət Planı” barədə məlumat verdi. Milli Fəaliyyət Planına uyğun olaraq korrupsiyaya qarşı mübarizənin uğurla davam etdirildiyini bildirdi və antikorrupsiya davranış modelinin formalaşdırılması üçün cəmiyyətdə məlumatlılığın artırılmasına yönəlmiş maarifləndirmə tədbirlərinin əhəmiyyətindən danışdı.
Dəyirmi masa ətrafında aparılan fikir mübadiləsi zamanı korrupsiyanın tarix boyu cəmiyyətlərin üzləşdiyi problemlərdən olduğu və bu gün də bütün dünya ölkələrində aktual problemlərdən biri olduğu, korrupsiya hüquqpozmaları, bu növ əməllərə görə tətbiq edilən məsuliyyət tədbirləri, korrupsiyanın ictimai və iqtisadi həyata neqativ təsirləri, korrupsiyaya şərait yaradan amillər, maraqlar toqquşması, məlumat təhlükəsizliyi, ölkəmizdə və beynəlxalq təcrübədə həyata keçirilən antikorrupsiya strategiyalarının əsas istiqamətləri və s. məsələlərə toxunuldu. Ölkəmizdə aparılan məqsədyönlü tədbirlər nəticəsində həm sosial-iqtisadi, həm də hüquqi-institusional sahədə gedın inkişaf xüsusi qeyd edildi. korrupsiyaya qarşı mübarizə məqsədilə bütün dövlət strukturları və vətəndaş cəmiyyəti institutları ilə birgə sistemli fəaliyyətinin zəruriliyi bildirildi.
Xəbərdən istifadə edərkən istinad etmək vacibdir.
