Xeberle.com-un məlumatına görə, dünyanın müxtəlif ölkələrindən qatılan iştirakçıların həyata keçirdikləri xeyriyyə layihələri ilə iştirak etdikləri müsabiqənin finalında 85 ölkənin təmsilçiləri iştirak ediblər.

Müsabiqədə qalib seçilən "Stomatoloji Dayaq” layihəsinin məqsədi bahalı stomatoloji xidmətləri aztəminatlı ailələrə əlçatan etməklə onlara sağlam təbəssüm bəxş etməkdir. Ehtiyaclı insanların səhhətinin yaxşılaşdırılması, nitq qüsurlarının aradan qaldırılması, onlara estetik təbəssüm bəxş edilməsi və s. kimi xidmətlərin həyata keçirilməsi layihənin məqsədinin özəyini təşkil edir. Belə ki, 2017-ci ildən Dt.Rəfael Paşayevin təşəbbüsü ilə qurulmuş "Stomatoloji Dayaq” layihəsi qayğıya ehtiyacı olan aztəminatlı ailələrə təmənnasız stomatoloji xidmətlər göstərməyə yönəlmişdir. Ehtiyaclı insanlara öz xidmətlərini təmənnasız təqdim edən stomatoloji peşə sahibləri və şirkətlər, eləcə də inzibati idarəetməni təmin edən ofis komandası ilə layihə bu günə qədər 375 pasiyentə təmənnasız xidmət göstərmişdir. Layihə çərçivəsində 325 könüllü stomatoloq və diş texniki tərəfindən ehtiyaclı insanlara tamamilə təmənnasız təqdim edilmiş ümumi mal və xidmətlərin hesablanmış 538506 AZN məbləğindədir.

Qalib kimi təltif olunan Dt.Rafael Paşayev yaradılan imkanlara görə, layihəyə göstərilən etimada görə təşkilatçılara və könüllü xidmətlərə görə layihənin könüllü stomatoloq və diş texniklərinə təşəkkürünü bildirib.