Sumqayıt şəhər İcra Hakimiyyətinin təşəbbüsü, Sumqayıt Regional Mədəniyyət İdarəsinin dəstəyi, Gənclərin İnkişaf və Karyera Mərkəzinin Sumqayıt nümayəndəliyi və Sumqayıt Gənclər Klubunun birgə təşkilatçılığı ilə II Sumqayıt Karyera sərgisi keçiriləcək.
Xeberle.com-un məlumatına görə, dekabrın 17-18-də, Sumqayıt Heydər Əliyev Mərkəzində baş tutacaq sərgidə iştirak edən şirkətlər öz vakansiyaları və təcrübə proqramlarını tanıdacaq, gənclər üçün yeni karyera imkanları təklif edəcəklər. Həmçinin, sərgiyə qatılan gənclərə öz CV-lərini həmin tədbirdəki şirkətlərə təqdim etmək və vakansiyalara baş vurmaq imkanları da yaradılacaq.
Gənclərimizin inkişafı və müxtəlif istiqamətlərdə yeni bilik və bacarıqlara yiyələnməsini təmin etmək məqsədi ilə sərgi ilə paralel olaraq müxtəlif mütəxəssislər tərəfindən fərdi inkişaf təlimləri də keçiriləcək. II Sumqayıt Karyera sərgisinə giriş sərbəstdir.
Qeyd edək ki, karyera sərgisində Azərbaycan Dəmir Yolları (ADY), "Hədəf" Şirkətlər Qrupu, "İnci Group"
"Mars Overseas Baku LTD" MMC (Pepsi Bottlers Azerbaijan), "Azərsun" Holding, "Bank of Baku", Azərbaycan Beynəlxalq Bankı, "Yelo Bank", "MKT İstehsalat Kommersiya” MMC, "Gilan Tekstil Parkı” MMC, "Betex Tekstil" MMC, Bakı Tekstil Fabriki, "Atəşgah" sığorta, Gənclər İnkişaf Karyera Mərkəzi Progro (BMT programı), "İnnab" Tədris Mərkəzi, "Brain Design Academy", "Miracle Clinic", "R-line Motors", "MA" Tədris mərkəzi,
"Güvən dayə" MMC, "EDify" Təhsildə Diaqnostika və Konsultasiya şirkəti, "Addım" Ailəyə Dəstək Mərkəzi, "Reduco" Təhsil Mərkəzi, "İnter School Company", "Turan" Restoranlar şəbəkəsi və digər şirkətlər təmsil olunurlar.
Xəbərdən istifadə edərkən istinad etmək vacibdir.
