"Son zamanlar Azərbaycanda cins seçimi getdikcə artır. Bu sahədə qanunvericilikdə müəyyən dəyişiklik edilsə də, hələ də artım gedir”.
Xeberle.com xəbər verir ki, bunu Milli Məclisin bu gün keçirilən iclasında parlamentin Mədəniyyət komitəsinin sədri Qənirə Paşayeva deyib.
Qənirə Paşayeva vurğulayıb ki, bu artım bioloji normalardan xeyli yüksəkdir: "Əgər artım tendensiyası belə davam etsə, gələcək üçün ciddi təhdiddir. Bu baxımdan, mövcud göstəricinin qarşısını almaq üçün vacib addımlar atılmalıdır. Bizə müraciət edən qadınların arasında övladı olmadığı üçün zorakılığa məruz qalanlar heç də az deyil. Bu da ailədə qadınlar üçün ciddi problem yaratmış olur.
Süni mayalanma əməliyyatları icbari tibbi sığorta üzrə xidmətlər zərfinə daxil edilməlidir. Səhiyyə Nazirliyinə müraciət edirəm. Qardaş Türkiyədə süni mayalanmaya dövlət tərəfindən 2 dəfə şans verilir. 3-cü dəfə vəsaitin yarısı dövlət tərəfindən qarşılanır. Bizdə də bu məsələlərə baxılmalıdır. Sonsuzluq ciddi ailə problemlərinə səbəb olur”.
Xəbərdən istifadə edərkən istinad etmək vacibdir.
