Qida Təhlükəsizliyi Agentliyinin əməkdaşları Sumqayıtda fəaliyyət göstərən obyektlərdə monitorinqləri davam etdirirlər.
Xeberle.com bu barədə AQTA-ya istinadən xəbər verir.
Yoxlamalar zamanı Sumqayıt şəhəri, məh. 16, H.Əliyev prospektində fəaliyyət göstərən "Qafqaz" kafesində sanitar norma və qaydaların pozulması müşahidə olunub və inzibati protokol tərtib olunub Sumqayıt şəhəri, 9 mkr, ev 263, Koroğlu prospektində fəaliyyət göstərən "Xan Bağı"nda isə sanitar norma və qaydaların, etiketlənməyə dair tələblərin pozulması, mal qonşuluğuna və temperatur rejiminə əməl edilməməsi, saxlanma müddəti bitmiş məhsulların satışı ilə bağlı nöqsanlar aşkar olunub. Bununla bağlı kafenin rəhbərliyi barəsində inzibati protokol tərtib olunaraq məhdudlaşdırıcı qərar verilib.
Sumqayıt şəhəri, 1-ci mkr, ev 22/51, m.1-də fəaliyyət göstərən "Zeytun" aptekdə isə qida təhlükəsizliyi qeydiyyatına dair çıxarışın olmaması və Azərbaycan dilində markalanması olmayan məhsulların satışı qeydə alınıb.
Bununla yanaşı monitorinqlər zamanı şəhərin 2-ci mikrorayonunda yerləşən "MRV” MMC-yə məxsus aptekdə və 14-cü məhəllədə yerləşən "Bərəkət” marketində Azərbaycan dilində markalanması olmayan məhsulların, Sumqayıt şəhəri, Azərbaycan prospektində isə "El” marketdə Azərbaycan dilində markalanması olmayan məhsulların satışı, eləcə də ev şəraitində hazırlanan məhsulların satışı ilə bağlı nöqsanlar tapılıb.
Aşkar edilmiş nöqsanlarla bağlı qanunvericiliyin tələblərinə uyğun müvafiq tədbirlər görülüb.
Xasməmməd Miriyev
Xəbərdən istifadə edərkən istinad etmək vacibdir.
