Apellyasiya instansiyası məhkəmələrinə yeni hakimlər təyin edilib.
Xeberle.com xəbər verir ki, bununla bağlı məsələlər Milli Məclisin bu gün keçirilən plenar iclasında müzakirəyə çıxarılıb.
"Sumqayıt Apellyasiya Məhkəməsi hakimlərinin təyin və azad edilməsi haqqında” layihəyə əsasən, Şəki Apelyasiya Məhkəməsinin hakimi Ayaz Akif oğlu Mahmudov həmin məhkəmənin hakimi vəzifəsindən azad edilərək Sumqayıt Apellyasiya Məhkəməsinin hakimi təyin olunub. Aşağıdakı hakimlər vəzifələrinin dəyişdirilməsi ilə əlaqədar Sumqayıt Apellyasiya Məhkəməsinin hakimləri təyin ediliblər:
- Rəhimli Lalə Elxan qızı – Bakı şəhər Xətai rayon məhkəməsinin hakimi;
- Cabbarova Gülnar İnqilab qızı - Bakı şəhər Qaradağ rayon məhkəməsinin hakimi;
- İsmayılov Azər İbrahim oğlu - Sumqayıt şəhər məhkəməsinin hakimi;
- Süleymanova Almaz Məhərrəm qızı - Sumqayıt şəhər məhkəməsinin hakimi;
Vəzifələrinin dəyişdirilməsi ilə əlaqədar aşağıdakı hakimlər Sumqayıt Apellyasiya Məhkəməsinin hakimləri vəzifəsindən azad olunublar:
- Quliyev Telman Osman oğlu (Mülki Kollegiyanın sədri);
- Tağızadə Gülnarə Fikrət qızı.
Xəbərdən istifadə edərkən istinad etmək vacibdir.
