ABŞ dövlət katibi Entoni Blinken Ukraynaya genişmiqyaslı müdafiə yardım paketinin təfərrüatlarını açıqlayıb.
Xeberle.com xəbər verir ki, Blinken 2023-cü ilin ilk həftəsində ABŞ-ın 3,75 milyard dollardan çox yeni hərbi yardımını elan etməklə Ukraynaya və Avropalı müttəfiqlərinə dəstəyini davam etdirəcəyini bəyan edib.
O, Ukraynaya birbaşa yardımın 2,85 milyard dollar olacağını söyləyib.
Blinkenin sözlərinə görə, daha 225 milyon dollar isə Ukrayna Silahlı Qüvvələrinin uzunmüddətli potensialının və modernləşdirilməsinin maliyyələşdirilməsinə yönəldiləcək.
Dövlət katibi əlavə edib ki, ümumi məbləğin 682 milyon dolları avropalı tərəfdaşların və müttəfiqlərin Ukraynaya hərbi texnika pulsuz verməsinin stimullaşdırılmasına sərf olunacaq.
Blinken yeni paketlə birlikdə ABŞ-ın Ukraynaya ümumi hərbi yardımının həcminin 24,9 milyard dollara çatacağını deyib.
"Yalnız Rusiya bu gün bu müharibəyə son qoya bilər. Bu baş verənə qədər, əvvəlki illərdə olduğu kimi, bu il də və nə qədər lazımdırsa, biz Ukrayna ilə birlikdə olacağıq”, - Blinken qeyd edib.
Xəbərdən istifadə edərkən istinad etmək vacibdir.
