Avropa İttifaqının (Aİ) rəsmi jurnalı Ukraynadakı vəziyyətlə əlaqədar Rusiyaya qarşı tətbiq edilən sanksiyaların müddətinin 2024-cü il fevralın 24-dək uzadılması barədə qərar dərc edib.
Müvafiq qərar Aİ jurnalında dərc edildiyi gündən bir gün sonra qüvvəyə minir.
Yanvar ayında Aİ Şurası məhdudiyyətləri iyulun 31-dək uzatmışdı. Sanksiyalar 2014-cü ildə Krımın Rusiyaya birləşdirilməsindən sonra tətbiq edilib, Rusiyanın Ukraynada hərbi əməliyyatına başlamasından sonra genişləndirilib.
Hazırda Aİ Rusiyaya qarşı 10-cu sanksiyalar paketini nəzərdən keçirir. Onun fevralın 24-də, Rusiya hərbi əməliyyatının ildönümü günündə dərc edilməsi planlaşdırılır.
Xəbərdən istifadə edərkən istinad etmək vacibdir.
